CUMPARI MICU E COMPARI CICCIU s’incuntranu ntra la chijazza e parlanu della morte di Domenico Napoli, nu figghiolu chi lu canuscianu tutti.
Cumpari Micu: Vidìstivu cumpari Cicciu comu si ndi iju pe’ sempi Domenicu ?
Cumpari Cicciu: Lu seppi, lu seppi. Ndavimu nu chijovu ntra lu cori, grandi e picciuli a Cincrundi, amaru Baimicuss, comu lu chiamavanu l’amici! Dassau la mugghijeri e du’ figghioli.
Cumpari Micu: Lu volenu beni tutti ntra lu paijsi e fora, lu canuscenu ntra tutta la provincia. Aundi ija, ntra li feri, ntra li mercati portava avanti lu bellu comportamentu, l’amicizzia, lu rispettu, ma puru na tradizzioni antica paisana, la lavorazzioni di lu còriju, ca pe cchissu a nuatri Cincrundisi ndi chiamavanu corijari. E Domenicu forzi ca era l’urtimu annamuratu di ‘ssu mistèri. Si lu mbizzau di picciridhu, quandu era nu cotraru abbontatusu e fatigaturi. E continuau di grandi.
Cumpari Cicciu: Lu sacciu, ca puru li figghji e li niputi mei si servènu da idhu pe’ li bburzi,li portafogli e atri ngadhizzi chi idhu facìa a manu cu lu còriju e cu ‘na pacenzia di l’Angeli. Amaru Domenicu, restau orfanu di patri chi era cotraru, vi ricordati cumpari Micu ?
Cumpari Micu: Certu ca mi ricordu, pàtrisa era a l’esteru e poi morìu di cori, se non mi ricordu mali! Puru màmmasa era ancora giuvana, quandu morìu na para d’anni arretu. Ma eu, cumpari Cicciu, ndaiju nu crùcciu grandi pe’ la morti di ‘ssu cotraru. Cu lu fìghhiju meu eranu tantu amici e ogni vota chi ss’incuntravanu lu suppricava mu si controlla cu li specialisti, mu si guarda cu l’alimentazzioni, mu trova la forza, lu coraggiu, comu fannu tanti, pemmu cumbatti cuntra l’obbesità, cuntra lu diabbeti e li cumpricazzioni di la cardèca. Domenicu nci rispundìa ca sì, ca si mentìa di bona lena, ma poi ‘mbeci….
Cumpari Cicciu: Era lu destinu soi, ‘mpari Micu ! Certu, se esisti lu Paradisu, Micuzzedhu a Nostru Signuri si presentau già cu li vrazza chijni di gemmi prezziusi, una pe’ ogni bella parola chi dicìa sempi a tutti chidhi chi canuuscìa. Lu Re di l’Univerzu nci riservau di sicuru ‘nu posticedhu, aundi secundu la Leggi Sua, Domenicu è cuntornatu di paci, serenità e di culuri belli comu chidhu di lu coriju lùcitu di li cosi belli chi li mani soi facènu.
6 commenti
Vai al modulo dei commenti ↓
michele
31 marzo 2012 a 20:03 (UTC 2) Link a questo commento
Mikus era ed è un esempio per tutta cinquefrondi. L’esempio di come un ragazzo, sfortunato già da piccolo per le avversitaà subite, riesce a non piangersi addosso ma a darsi da fare inventandosi un mestiere e mettendo su, in un contesto difficile come quello di <cinquefrondi, un'attività imprenditorilae sana e di successo. Da quella forza imprenditoriale bisogna prendere esempio, dai suoi modi garbati e premurosi verso tutto e tutti. Ci mancherà! Ciao Mikus!
Salvatore
31 marzo 2012 a 20:03 (UTC 2) Link a questo commento
L’ultimo coriaro di Cinquefrondi. Che peccato!
M.A.
1 aprile 2012 a 20:03 (UTC 2) Link a questo commento
Non mi voglio fare i fatti miei.
Scusate, ricordarlo in modo meno pittoresco, no vero? Lasciate perdere cicco e cola, cric e croc. Si verte della scomparsa dolorosa di una persona ancora giovane non di rappresentazione teatrale in vernacolo (anni… fine ottocento) sgradevole e poco comprensibile; nonchè usato in un dialogo banale e del tutto a sproposito!!
antonio s.
1 aprile 2012 a 20:03 (UTC 2) Link a questo commento
liberi di non farsi i fatti propri, ma comunque conoscendo domenico avrebbe apprezzato la “rappresentazione teatrale” , lui solare e assolutamente amante del pittoresco, non amava gli apprezzamenti di facciata, era nu cincrundisu doc, e poi dal post si avverte il dispiacere nel romanzare un dramma che ha colpito una intera comunità. Complimenti a mimì che attraverso i suoi personaggi ci fa respirare aria di casa ed evita la filosofia spicciola e con la puzza sotto il naso. Ciao domenico ti ricorderò così.
M.A.
1 aprile 2012 a 20:03 (UTC 2) Link a questo commento
Giustappunto!….
Salvatore Borelli
2 aprile 2012 a 20:03 (UTC 2) Link a questo commento
Anche a me è piaciuto…il brano è narrazione pura